Filosofia di Sunnyside Daycare
E filosofia di Sunnyside Daycare ta simplemente sirbi tur e necesidadnan di e muchanan. Nos enfoque principal ta pa stima, nutri y cuida e muchanan na e mihor manera posibel den un ambiente educativo, pret, dushi y positivo. Nos segundo enfoque ta pa cuminsa cu e proceso di educacion preparatorio pa kleuter-niveau door di haci actividadnan basa di siñamento, tanto formal como informal, mientras cu nos ta keda mantene nos programa di siñamento basa riba weganan entreteni y como tambe creativo.
Nos di Sunnyside Daycare ta certifica pa CPR response cu muchanan.
10 luna - 2 aña di edad
Muchanan cu ta entre e edad di 10 luna pa 2 aña ta participa den un programa infantil cu judansa y personalisa. Den e etapa aki, Sunnyside Daycare ta ofrece un programa más personalisa y cu e ta tene cuenta di tur e necesidadnan di e baby lo mas tanto posibel. Tin hopi actividadnan den grupo y un programa aire liber, dus pafor, dos ves pa dia cu ta masomenos un ora, si e clima permiti esaki. Nos camber di drumi ta ofrece un cuna personal pa satisfase e rekesito di soño di cada mucha.
2 - 4 aña di edad
Entre 18 luna cu 3 aña di edad
E muchanan cu ta entre e edad di 18 luna pa 3 aña, den nos programa ta pa e muchanan cuminsa cu nan prome etapa di e proceso di socialisacion. E emocionante etapa aki di desaroyo ta enfoca den e abilidadnan motorico suave y grof, e desaroyo di lenguahe, articulacion y e desaroyo sensorial, cu hopi weganan dirigi. E programa di aire liber, pafor, ta importante na Sunnyside Daycare y nos tin un minimo di 2 ora di siñamento na aire liber y wega tur dia, dependiendo di e clima. E periode di descanso ta di 1-2 ora tur dia y nos ta percura capacitacion pa e uso di baño (potty training) y colaboracion cu bo apoyo como tambe na cas. Tambe, na esnan cu ta keda full dia na Sunnyside Daycare ta ricibi un cuminda cayente merdia.
3 aña pa 4/5 aña
Nos peuterschool Sunnyside Daycare ta ubica entre e programa di siñamento basico pa muchanan chikito y nos peuter programa ta ser duna mastanto na papiamento (pero nos ta tene na cuenta y ta duna tambe poco den otro lenguahe p.e. hulandes, spaño y ingles), y eta diseña pa muchanan di 2.5 aña en adelante. E desaroyo di tin e abilidad pa por haci cosnan; incluiendo pa por scirbi su nomber, reconocimento, conta, construi, desaroya creativamente y hopi socialisacion cu un siñamento basa den e wega, ta constitui e núcleo di tur dia preescolar. Claro cu tin un periode di descanso tur dia y 2 ora di hunga den aire liber, pafor na nos playground. E programacion adicional den e etapa ta inclui musica, deporte y e instruccion artistica. Muchanan cu ta keda full dia na Sunnyside Daycare ta ricibi tur dia un cuminda cayente merdia.
4/5 aña te cu 12 aña (traimerdia)
Muchanan cu ta bini for di kleuterschool of basisschool ta ricibi nan cuminda cayente. Si tin huiswerk, nos di Sunnyside Daycare ta juda cu huiswerk. Nos NO ta duna bijles. Verder, nan por wak television, hunga sea paden of pafor te ora cu e mucha ta wordo busca.
"Educacion ta e arma di mas poderoso cu bo lo por usa pa por cambia e mundo".Nelson Mandela
Programa
